2018 йил шахмат бўйича

автор: admin 2018-01-08 просмотров: 40
Янги – 2018 йил шахмат ишқибозлари ва профессионаллар, болалар ва фахрийлар қизлар ва аёллар, умуман барча шахмат ихлосмандлари учун юртимиздаги ҳамда халқаро миқёсдаги мусобақаларга бой бўлади. 
 
   Йилнинг энг муҳим воқеаси шубҳасиз, 23-сентябрь- 6-октябрь  кунлари Ботуми (Грузия) шаҳрида ўтказиладиган Бутунжахон шахмат олимпиадасидир. Ўзбекистон эркаклар ва аёллар терма жамоаларига омад ёр бўлсин! Сайт- .
 
 
 
Шахмат мухлисларини шубҳасиз, бу гал Жаҳон чемпиони ким бўлиши қизиқтиради. Амалдаги Жаҳон чемпиони Магнус Карлсен шахмат тожини 9-28 ноябрь кунлари Лондон шаҳрида (Англия) ҳимоя қилади. Унинг рақиби эса, 10-28 март кунлари Берлин (Германия) да ўтказиладиган даъвогарлар турнирида маълум бўлади. Ушбу турнирда жаҳоннинг етакчи гроссмейстерлари иштирок этишади. – fide.com.  
 
 
  Аёллар ўртасида халқаро Гроссмейстер  Гулрухбегим Тоҳиржонова олдида масъулиятли мусобақа турибди.Чунки уаёллар ўртасида ўтадиган Жаҳон чемпионатида иштирок этади. Шахмат маликалари Ханти-Мансийск (Россия) шаҳрида ўтадиган баҳсларда  ғолибларни аниқлашади.  
        Ўзбекистон шахмат мактабининг ютуқлари  ёшларимизнинг зафарлари одимларига асосланган. Ёш шахматчиларимизга 19-октябрь – 1-ноябрь кунлари Греция давлатининг Халкидики шаҳрида 14,16,18 ёшгача ҳамда 3-16 ноябрь кунлари Испаниянинг Сантьяго-де-Компостелла шаҳрида ўтказиладиган 8,10,12 ёшгача болалар ва қизлар  ўртасида ўтказиладиган жаҳон чемпионатларда шода-шода медаллар насиб қилишига ишонамиз! 
       20 ёшгача Жаҳон чемпионатида иштирок этувчи шахматчиларимиз номи Ўзбекистон Олий лига баҳслари якунига кўра аниқланади. 4-16 сентябрь кунлари Туркия давлатининг Гебза шаҳри ушбу жаҳон чемпионатига мезбонлик қилади. 
       Мактаб ўқувчилари ўртасидаги жаҳон чемпионати бу гал Албания давлатида бўлиб ўтади. Вакилларимиз 20-29 апрель кунлари Дуррас шаҳрида ўтадиган ушбу биринчиликка 20-февралга қадар буюртма беришлари лозим.-fide.com.
Блиц ва рапид бўйича жаҳон чемпионати алоҳида ўтказилиши яхши маълум.8,10,12 ёшгача мусобақаларга бу гал ҳам Минск шаҳрида 21-25 июнь кунлари ташкил этилади. Ёш шахматчиларимиз учун яна бир “имтиҳон” – 16 ёшгача ўтказиладиган Бутунжаҳон шахмат олимпиадасидир. 14-ноябрь-3-декабрь кунлари ўтказиладиган олимпиада баҳсларида ёшларимизнинг ғалаба қозонишлари учун етарли асослар бор!
2018-йилда ўтказиладиган  мактаб ўқувчиларининг Осиё чемпионатларида ёшларимизнинг яна етакчилар сафида бўлишига ишонамиз. 
  Фахрийлар эса,17-30 ноябрь кунлари Жахон чемпионатида ўз кучларини синаб кўришлари мумкин.
   Ушбу мусобақалар ва бошқа турнирлар билан танишиш истагида бўлганлар учун fide.com. тақвим режаси билан танишиб боришни таклиф этамиз!
Новость дня
Скоро в Ташкенте!13-24.01.2018г. - Чемпионат Узбекистана по шахматам среди детей до 8,10,12 лет по стандарту,рапиду и блицу.>>
Календарь
<< >>

Наш опрос
Шахматы для вас это?
Хобби
Профессия, которой можно зарабатывать
Игра, за которой можно весело проводить время
Игра, помогающая в развитии
Затрудняюсь ответить
 


Copyright 2017 http://uzchess.uz All rights reserved.
Рейтинг@Mail.ru