Prezident Kubogi 2024 boshlandi
«Prezident Kubogi 2024» shaxmat turniri boshlandi
21-noyabrdan boshlab, Toshkentda «Prezident Kubogi» turnirining 1-turi start oldi. 3-bor o’tkazilayotgan musobaqaning mukofot jamg’armasi 75 000 AQSh dollarini tashkil etadi.Turnir 2 guruhda o’tkaziladi. «A» guruhida reytingi 2250 va undan yuqori bo’lgan shaxmatchilar ishtirok etsa, «B» guruhida reytingi 2249 va undan past bo’lgan shaxmatchilar qatnashadi.Har bir o’yin 90 daqiqa bo’lib, har bir yurish uchun 30 soniya vaqt qo’shib boriladi.21-noyabr kuni soat 14:00 da mazkur turnirning 1-tur bahslari boshlanadi.To’liq juftliklar ro’yxati bilan tanishish uchun quyidagi havolaga murojaat qiling: https://chess-results.com/tnr1064998.aspx?lan=11
Ma’lumot uchun, turnirning barcha partiyalari «UzChess» YouTube kanalida jonli efirda namoyish etiladi.Shaxmat muxlislariga qo’shimcha qulaylik yaratish maqsadida ushbu musobaqada maxsus «fan zona» tashkil etilgan. Bu yerda siz do’stlaringiz bilan birgalikda o’yinlarni kuzatishingiz va shaxmat atmosferasidan bahramand bo’lishingiz mumkin. Bundan tashqari, mazali taomlar taqdim etuvchi oshxona ham xizmat ko’rsatadi.Barcha ishtirokchilarga omad tilaymiz!
