FIDE Samarqandda o‘tkazilgan 46-Butunjahon shaxmat Olimpiadasi natijalariga ko‘ra, 2027-yilgi Jahon kubogi va Ayollar o‘rtasidagi Jahon kubogi uchun yo‘llanmalarni taqsimladi. O‘zbekiston har ikki yo‘nalishda ham bittadan yo‘llanma qo‘lga kiritdi. Erkaklar terma jamoasi Olimpiadani 1-o‘rinda yakunlagani sababli Jahon kubogiga, ayollar terma jamoasi esa 13-o‘rinni egallagani sababli Ayollar o‘rtasidagi Jahon kubogiga yo‘llanma oldi. FIDE qoidalariga ko‘ra, yo‘llanma Olimpiadada terma jamoa tarkibida ishtirok etgan shaxmatchilardan biriga beriladi. Agar barcha jamoa a’zolari boshqa yo‘l orqali allaqachon yo‘llanma olgan yoki ishtirok etishdan voz kechgan bo‘lsa, Federatsiya boshqa shaxmatchini tanlashi mumkin. Yakuniy vakillar 2027-yil 1–15-iyul kunlari tasdiqlanishi kutilmoqda. Olimpiada natijalari asosida jami 83 ta federatsiya Open, 45 ta federatsiya esa ayollar yo‘nalishida 2027-yilgi Jahon kuboklariga yo‘llanma oldi. Manba: FIDE (https://www.fide.com/olympiad-qualification-spots-for-2027-world-cup-and-womens-world-cup-announced/)