Xalqaro grossmeyster, 2004-yilgi FIDE Jahon chempioni Rustam Qosimjonov O‘zbekiston erkaklar milliy terma jamoasiga bosh murabbiy etib tayinlandi.

Rustam Qosimjonov – o‘zbek shaxmatining faxrli vakili, chuqur bilim va katta xalqaro tajribaga ega mutaxassis. U nafaqat dunyoning eng kuchli grossmeysterlaridan biri sifatida tanilgan, balki xalqaro darajadagi sportchilar bilan murabbiy sifatida ham faol ishlagan.

➡️Endi uning rahbarligida milliy jamoamiz oldida yangi vazifalar turibdi:

xalqaro maydondagi barqaror natijalarni mustahkamlash;

yoshlar uchun zamonaviy tayyorgarlik tizimini yo‘lga qo‘yish;

jamoani yirik musobaqalarga sifatli tayyorlash.

O‘zbekiston shaxmat federatsiyasi nomidan Rustam Qosimjonovni ushbu tayinlov bilan tabriklaymiz va yangi lavozimida ulkan muvaffaqiyatlar tilaymiz!