Joriy yilning 16-yanvar — 1-fevral kunlari Niderlandiyaning Veyk-an-Zee shahrida shaxmat bo‘yicha nufuzli Tata Steel Chess 2026 xalqaro turniri bo‘lib o‘tdi.

«Masters» guruhida 9 ochko jamg‘argan Nodirbek Abdusattorov musobaqa g‘olibiga aylandi va ushbu turnir tarixida chempionlikni qo‘lga kiritgan ilk o‘zbek shaxmatchisi sifatida tarixga kirdi.

Yana bir vakilimiz — Javohir Sindarov 8,5 ochko bilan mag‘lubiyatsiz ikkinchi o‘rinni egalladi. Uchinchi pog‘onadan esa niderlandiyalik grossmeyster Yorden van Forest joy oldi.

Turnir yakunlariga ko‘ra, Abdusattorov o‘z reytingini +19,5 punktga oshirib, 2770 reyting bilan kuchli beshlikka ko‘tarildi. Sindarov esa +19,4 qo‘shimcha ochko jamg‘arib, 2745 reyting bilan dunyo reytingida 11-o‘ringa chiqdi.