Joriy yilning, 24-iyul kuni IPCA tasnifiga kiruvchi jismoniy imkoniyati cheklangan shaxmatchilar o‘rtasida XXIV Jahon chempionatining blits yo‘nalishi bo‘yicha bahslar bo‘lib o‘tdi.

Musobaqada 16 mamlakatdan 89 nafar ishtirokchi qatnashdi. O‘zbekiston sharafini esa 7 nafar shaxmatchimiz munosib himoya qildi. 

Musobaqa 9 turdan iborat bo‘lib, 5+3 vaqt nazoratida tashkil etildi.

Quvonchli yangilik: 15 yoshgacha o‘g‘il bolalar o‘rtasida hamyurtimiz Azimjonov Abdurahmon faxrli 3-o‘rinni egalladi! 

Ma’lumot uchun:

➡️Rapid yo‘nalishidagi bahslar 25–26-iyul kunlari bo‘lib o‘tadi.

➡️Standart yo‘nalishdagi musobaqalar esa 30-iyulgacha davom etadi.

O‘zbekistonlik sportchilarga navbatdagi bahslarda ham omad tilaymiz!