Varshava (Polsha) shahrida o‘tayotgan FIDE tezkor shaxmat bo‘yicha jahon chempionatida Nodirbek Abdusattorov jahon chempioni bo‘ldi. Bu haqda O‘zbekiston shaxmat federatsiyasi xabar berdi. 17 yoshli o‘zbek grossmeysteri (FIDE reytingi: 2633) Levon Aronyan (2772) va Fabiano Karuana kabi dunyoning eng kuchli shaxmatchilarini mag‘lub etdi. Shuningdek, u Radoslav Voytashek va Boris Gelfanddan ustun keldi. 10-turda u amaldagi jahon chempioni Magnus Karlsenga qarshi g‘alaba qozondi. Rossiyalik Vladimir Fedoseyev (11-tur) va hindistonlik Gukesh Dommaraju (12-tur) bilan o‘yinlari durang bilan yakunlandi