2025-yil 28-maydan 7-iyungacha Namangan shahrida "Namangan Chess Festival" I Xalqaro shaxmat turniri o‘tkaziladi. Ushbu turnir 64-Xalqaro gullar festivalining madaniy va sport dasturi tarkibiga kiritilgan.

Musobaqa 9 turdan iborat shveysarcha tizimi bo‘yicha tashkil etiladi. Vaqt nazorati - har bir o‘yin uchun 90 daqiqa, birinchi yurishdan boshlab har bir yurish uchun 30 soniya qo‘shib boriladi.

Turnirning sovrin jamg‘armasi 350 000 000 so‘mni tashkil etadi, bu esa uni joriy yilda O‘zbekistondagi eng e’tiborga loyiq shaxmat tadbirlaridan biriga aylantirmoqda.

Ro‘yxatdan o‘tish va qo‘shimcha ma’lumot olish uchun quyidagi elektron pochta manziliga murojaat qiling: uzchess@inbox.ru