Oʻzbekiston Shaxmat Federatsiyasida yil laureatlari Respublika ixtisoslashgan bolalar-oʻsmirlar shaxmat maktabida taqdirlandi. 2018-yil yakunlariga bagʻishlangan matbuot anjumani boʻlib oʻtdi. Unda oʻzbek shaxmat maktabining bugungi holati, mamlakatimiz shaxmatchilarining xalqaro turnirlar va jahon chempionatlarida erishayotgan yutuqlari, umumiy oʻrta taʼlim maktablarida shaxmatning fan sifatida oʻqitilishi kabi masalalar muhokama qilindi. Shundan soʻng, 2018-yil yakunlariga koʻra turli nominatsiyalar boʻyicha gʻoliblarga diplom va esdalik sovgʻalari topshirildi