5–12-март кунлари Тошкентда "Women's Chess Championship" халқаро аёллар шахмат турнири бўлиб ўтади. Мусобақа швейцар тизимида иккита гуруҳда ўтказилади. 1-март ҳолатига кўра, FIDE стандартига мувофиқ, "A" гуруҳида 1500 ва ундан юқори рейтингга эга шахматчилар, "B" гуруҳида эса 1499 ва ундан паст рейтингга эга шахматчилар иштирок этади. Турнирнинг мукофот жамғармаси 50 000 АҚШ долларини ташкил этади. Вақт назорати: 90 дақиқа, ҳар бир юриш учун 30 сония қўшилади.